01.11.2024-cü il tarixində Riyaziyyat – informatika fakültəsində 8 noyabar Zəfər gününə həsr olunmuş “Zəfərin işığı” adlı möhtəşəm tədbir keçirilmişdir. Tədbirdə Azərbaycan Respublikasının Dövlət himni səsləndirilmişdir. Azərbaycanın çiçəklənməsi uğrunda əvəzsiz tövhələr vermiş Ulu Öndər Heydər Əliyevin və Vətənimizin azadlığı uğrunda canlarından keçən igid həmvətənlərimizin əziz xatirəsinə bir dəqiqəlik sükutla yad edilmişdir. İlk söz Universitetin humanitar məsələlər üzrə prorektoru dos. G. Fətəliyevaya verilmişdir.  Sonra 44 günlük Vətən müharibəsi iştirakçısı, İnformatika müəllimliyi ixtisasının I kurs tələbəsi Əkbərli Fuad çıxış etmişdir. Tədbirdə Riyaziyyat informatika fakültəsinin tələbələrindən ibarət “Gəncəm” xorunun ifasında “Millətəm”  və “Can Azərbaycan”  mahnıları ifa olunmuşdur. Sonra Riyaziyyat informatika fakültəsinin tələbələri: İsmayılov Əli, Məmmədli Amin, Səfərova Familə, Salmanova Nəzrinin ifasında “Bayraq” rəqsi tədbir iştirakçılarının böyük marağına səbəb olmuşdur. Tədbirin sonunda Riyaziyyat və informatika müəllimliyi ixtisasının V kurs tələbəsi İsmayılova Mədinənin ifasında “Azərbaycan” mahnısı ifa olunmuşdur.