25.10.2024-dən 27.10.2024-cü il tarixinədək Goranboy Olimpiya İdman Kompleksində “Poliqon” gənclərin hərbi-vətənpərvərlik düşərgəsi növbəti dəfə təşkil olunmuşdur. Bu dəfəki tədbir Gəncə Dövlət Universitetinin tələbələrinin iştirakı ilə keçirilib. Gənclər və İdman Nazirliyi tərəfindən baş tutan düşərgə hərbi simulyativ formatda keçirilib. Düşərgə müddətində gənclər üçün maraqlı hərbi təlimlər, idman və hərbi-idman oyunları, intellektual oyunlar, ocaq ətrafında görüş, həmçinin “Məclisi-üns” bədii gecəsi təşkil edilib. Tədbirdə Riyaziyyat – informatika fakültəsinin tələbələrindən Riyaziyyat və informatika müəllimliyi 3-cü kurs tələbəsi  Əli İsmayılov Arif oğlu, Komputer Elmləri 2 ci kurs tələbəsi İsmayılov Xəlil Eldəniz oğlu, Komputer elmləri 3-cü kurs tələbəsi Abdullayeva Jalə Mahmud qızı, Riyaziyyat İnformatika müəllimliyi 1 ci kurs tələbəsi  Əliyeva lalə Elman qızı fəal iştirakları ilə fərqlənmişlər. Fakültəmizin tələbələrindən İsmayılov Əli, İsmayılov Xəlil Nümayiş komandası tərkibində iştirak edərək  diplom və hədiyyələrlə təltif olunmuşlar.