





Gəncə Dövlət Universitetinin Riyaziyyat-İnformatika fakültəsində 17.12.2024 tarixində “Informatika və cəbr” kafedrasının elmi seminarı keçirildi. Elmi seminarda “İnformatika və cəbr” kafedrasının müdiri dos.Cabbarov İlqar və kafedranın əməkdaşları iştirak etdilər.Kafedranın keçirilən Elmi seminarında baş müəllim Babayeva Şəkər “Alqoritmlərin analizinin əsasları” mövzusu ilə ilə çıxış etdi. O, alqoritmlərin asimptotik işarələrdən istifadə etməklə necə analiz edilməsi, axtarış, nizamlama, qrafla bağlı və s. məsələlərin həlli üçün alqoritmlərin qurulması və hazırlanmasının müxtəlif metodları haqqında geniş nəzəri məlumatlar verdi.
Sonra keçirilən seminarda dosent Nərgiz Tağıyeva “Kvadrat matrislərin simmetrik və çəpsimmetrik matrislərin cəmi şəklində göstərilməsi” mövzusu ilə çıxış etdi.Məruzəçi matrislər nəzəriyyəsində geniş tətbiq olunan simmetrik və çəpsimmetrik matrislər haqqında nəzəriyyə verərək onlarla baglı təklif isbat etdi.Daha sonra o,kvadrat matrisin simmetrik və çəpsimmetrik matrislərin cəmi şəklində göstərilməsinə aid misal göstərdi.
Hər bir çıxışdan sonra müzakirələr keçirildi, məruzəçilər seminar iştirakçılarının bütün suallarını ətraflı şəkildə cavablandırdılar.
Seminar iştirakçıları hər iki məruzəçiyə işlərində müvəffəqiyyətlər arzu etdilər.