Riyaziyyat- informatika fakültəsinin tələbələri 31 noyabr 2024-cü il tarixində Səyyar Gənclər  Xidmətinin Yaşıl Dünya naminə Həmrəylik çərçivəsində Gəncə gəncləri ilə keçirdiyi 3-cü gündə  iştirak etmişlər. Günün başlanğıcında “Kiber Təhlükəsizliyi” ilə bağlı uşaqlara məlumat verilmiş daha sonra isə maraqlı intellektual və fiziki oyunlar keçirilmişdir. Tələbələrimiz tətbiqi şəbəkə sənəti və rəsm üzrə masterklasslarda yaradıcı potensiallarını kəşf etdilər, “CV Konstruktor” xidməti ilə isə öz bacarıqlarını təkmilləşdirmək üçün faydalı tövsiyələr aldılar. “Səyyar Gənclər Xidməti” layihəsi çərçivəsində gənclər həm yaradıcılıq, həm də texnologiya və şəxsi inkişaf sahələrində yeni təcrübələr qazandılar. Gün ərzində dostluq mühitində oxatma və ip dartma yarışları maraqlı və rəqabətli anlarla yadda qaldı. Riyaziyyat – informatika fakültəsinin tələbələri bu yarışlardan qalib ayrılmışlar. Səyyar Gənclər xidməti tərəfindən  qaliblərə xüsüsi hədiyyələr təqdim edildi.